Hondarribiko merkataritza sektorea kate handietatik salbu eta, inguruko udalerrietan ez bezala, denda kopuruetan bere horretan mantentzen ari bada ere, %25 inguru erretirotik gertu dauden negozioak dira. Kontsumo ohiturak aldatu dira, eta merkataritza establezimenduak auzo-bizitza suspertzeko topaguneak direla kontuan hartuta, Belaunaldi Erreleboaren Ekintza Plana diseinatzeko diagnostikoa abiatu du Hondarribiko Udalak. Era berean, auzoz-auzo negozio berriak instalatzeko hutsik dauden lokal erabilgarrien mapa osatuko dute.

Hegazkin-konpainiak dituen zorrak kitatu ezinik, dauzkan 44 hegazkinetatik 30-35 artera pasatzeko berrantolaketa plana aztertzen ari da, hartzekodunekin zorra negoziatzen duen bitartean. Baina Hondarribiko aireportuan eskaintzen dituen zerbitzuak mantenduko dituela iragarri du, eta Mallorca, Menorca, Malaga, Sevilla eta Florentziako hegaldietarako txartelak saltzen hasi da ezohikoa den urtebeteko aurrerapenarekin.