Martxoaren 17rako greba orokorra deitu dute ELA, LAB, Steilas, ESK, Etxalde eta Hiru sindikatuek, Lanbidearteko Gutxieneko Soldata propioa aldarrikatzeko. “Gutxieneko soldata hemen erabaki. LGS 1.500 euro. Soldatak hobetu, aberastasuna banatzeko” lelopean egingo da mobilizazioa Hego Euskal Herrian. Gai honen inguruan, Aratz Alzaga, Oarso-Bidasoko LAB sindikatuko kidea elkarrizketatu dugu.

“Herri txikia, bizi handia. Nik Hondarribian erosten dut” lelopean, Hondarribiko Bonoak kanpaina egingo dute bigarrenez. Iazkoa indartu eta metodologia aldatu egin dute, eta herrian erroldatuta dauden 18 urtetik gorako herritar guztiek 10 euroko hiru erosketa-bonu izango dituzte (guztira 6.355 deskontu-bono). Horretarako, kanpainara atxiki diren 40 establezimenduetan 30 euroko erosketak egin beharko dira. «Komertzioa kaleei bizia eman eta komunitatea kohesionatzeko funtsezkoa» dela oroitarazi du Estitxu Urtizberea, Merkataritza arloko zinegotziak.