Hendaia Biltzenen arabera, mandatu honetan «Ezenarroren gehiengoak egin dituen inbertsioak gehiegizkoak izan dira, eta ez beti ondo pentsatuak». Horren ondorioz sortutako zorrak proiektu egingarriak eta ekonomikoki bideragarriak baizik ez ditu ahalbidetuko ondoko agintaldietan, baina etxebizitza eta prekaritatearen kontrako borroka lehentasunetan emanik, Laetitia Navarronen ustez, «argi agertzen da, gero eta gehiago, ezkerreko alternatiba bakarra Hendaia Biltzen dela».

2026-2032 agintaldirako bide orria finkatu du Hendaia Biltzenek biltzar nagusian. Eta martxoaren 15 eta 22ko udal hauteskundeei begira Laetitia Navarron aukeratu dute zerrenda buru. Udalaren egoera ekonomikoa kontuan hartuta, "bideragarriak" diren 5 ardatz nagusi aurkeztu dituzte herriko plazan egindako agerraldian, etxebizitza, prekarietatearen aurkako borroka, gizarte kohesioa, euskara eta mugikortasun jasangarrian oinarrituta.