2027ko urtarrilaren lehenetik landa, TLV eta THLV zergak bateratu eta ordezkatuko ditu TVLH berriak. Lehen urtean, alokairu balioaren %30eko zerga inposatuko dute Hendaian, bigarren urtetik landa, %60koa.

2025eko maiatzean Zubia karrikan kokatutako etxebizitza okupatu zuen Alda mugimenduak hiru egunez, konpentsazio-arauari iruzur egiten dioten jabeei neurria hartzeko beharra salatzeko. Apartamentu turistiko gisa erabiltzen zuen jabeak 35 metro koadroko etxebizitza hori udako sasoian, eta urtean zehar han bizi zen 4 urteko alaba zuen gizonak etxea hustu eta Hendaiako kanpaleku batean pasatzen zuen uda. Hendaiako herriko etxea interpelatu zuen Aldak okupazioarekin batera, eta orain Baionako Auzitegiak 5.000 euroko isuna ordaintzera zigortu du jabea.