Hendaiako Zokoburuko dunetako habitata behatzeko irteera antolatu du CPIE-IEZI Euskal Itsasbazterra erakundeak uztailaren 8ko goizean. Aditu baten eskutik herritar-zientzia protokoloan parte hartzeko aukera emango dute, bertako itsaski, hegazti eta landareak ezagutuz, itsasertzetan klima-aldaketaren eraginak hobeto ulertzeko ezinbesteko datu zientifikoen bilketa eginez.

Betizua Euskal Herrian dugun arraza autoktono berezienetakoa da. Galzorian dagoen arraza da, eta Hego eta Ipar Euskal Herrian administratiboki kudeaketa desberdina eskaintzen zaio. Horrek eragin zuzena dauka arrazaren kontserbazioan. Muga hauek gainditzeko asmotan, ABENA proiektuak kudeaketa administratibo bateratua proposatzen du. Horrela, Euroeskualdeak kofinantzatutako proiektuaren baitan, Betizuaren Diagnostikoa aurkeztu berri dute.