Larunbat honetan, maiatzaren 30ean, Lesakako Gazte Eguna ospatuko da Lesakako Gaztik taldeak antolatuta. Goizeko 10:30ean hasiko dute egitaraua txupinazoarekin eta ginkana, poteoa, bazkaria, jokoak eta Joselontxos Txaranga izanen dute euren eguna ospatzeko. Lesakako Gaztik taldeak urtean zehar antolatzen duen ekitaldirik garrantzitsuena da eta gustura egiten dela aitortu du Lide Igoa taldeko kideak, herri txikietan ekitaldiak egotea nahi bada, lana egin behar delako. 

Ekainaren 6an ospatuko dute aurtengo Hondarribiko Olinpiaden azken eguna. Gastronomia proba egiteko eta eguna elkarrekin gozatzeko 80-90. hamarkadako zein 2014tik 2017 bitarteko olinpiadetako aurreneko bi aroetako taldeak gonbidatu nahi ditu Komite Olinpikoak.