Pasaiako Portu Agintaritzaren administrazio kontseiluak ekainean onartuko du Higer itsasargiari atxikitako eraikina, eta inguruko 2.100 metro koadroko lursaila, Hondarribiko Udalari lagatzea. Akordioa 30 urterako izango da, eta udalak itsasargien historia eta oraina ezagutzara emateko, eta itsas-kulturari zuzendutako proiektu bat garatzeko konpromisoa hartu du. Igor Enparan alkateak argitu duenez, San Telmo gazteluarekin eta Talaia Bidearen abiapuntuarekin batera, «ikuspegi integral batetik landu beharreko proiektua» da.

Ardorak arraien presentzia bezala, historiak agerian uzten du Hondarribia itsas herria dela. Ideia horretan sakontzeko topaketa antolatu dute hirugarren urtez. Herriaren iragana eta oraina zizelkatu duen itsasoarengandik jasotako ondarea gorde, eta aurreko belaunaldien bizipenak eta kultura egungo hondarribiarrei transmititzeko helburua dute. Horretarako, maiatzaren 6tik 9ra, dokumental, mahai-inguru, erakusketa, itsas-ondare proiektuen aurkezpen eta Kofradiara bisita gidatuak antolatu dituzte. Eta igandean Itsasoratu topaketa nautikoarekin borobilduko dute.